ნეტგაზეთი | მოსკოვში საავადმყოფოში გაჩენილ ხანძარს 1 ადამიანი ემსხვერპლა მოსკოვში საავადმყოფოში გაჩენილ ხანძარს 1 ადამიანი ემსხვერპლა – Netgazeti
RU | GE  

მოსკოვში საავადმყოფოში გაჩენილ ხანძარს 1 ადამიანი ემსხვერპლა

მოსკოვის ჩრდილოეთით, საავადმყოფოში გაჩენილი ხანძრის შედეგად 1 ადამიანი გარდაიცვალა, იუწყება რუსული სახელმწიფო მედია „რია ნოვოსტი“.

როგორც „ინტერფაქსი“ წერს, საავადმყოფოს კორპუსში, სადაც ხანძარი გაჩნდა, კორონავირუსით დაავადებულები მკურნალობენ.

მაშველების ცნობით, ცეცხლის ლიკვიდაცია ამ დროისთვის უკვე მოხერხდა.

გარდა ამისა, საავადმყოფოს პერსონალს პაციენტები ჰოსპიტალის მეზობელ კორპუსში გადაჰყავს.

ხანძრის მიზეზი ჯერჯერობით უცნობია. მიმდინარეობს მიზეზის დადგენა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნიკა ბურდული – ნეტგაზეთის რეპორტიორი 2019 წლის დეკემბრიდან. E-mail: realnikaburduli@gmail.com