საგარეჯოს მუნიციპალიტეტში მცხოვრებ ექთანს, რომელიც რამდენიმე დღეა მედიის ყურადღების ცენტრშია, ახალი კორონავირუსი საბოლოოდ არ დაუდასტურდა და ის კლინიკიდან 9 მაისს საღამოს გაწერეს.
ექთანს კოვიდ 19 -ი სწრაფი ტესტით 7 მაისს დაუდასტურდა, რის შემდეგაც ის ბოჭორიშვილის კლინიკის ბოქსირებულ განყოფილებაში იყო მოთავსებული. ექიმებმა სწრაფი ტესტის შედეგი PCR ტესტით 8 მაისს გადაამოწმეს და მას ვირუსი არ დაუდგინდა. ამის შემდეგ კიდევ ერთხელ გადაამოწმეს PCR ტესტით და საბოლოოდ, 9 მაისს სახლში გაწერეს.
ამ დროისთვის ცნობილია, რომ კოვიდ 19-ით საქართველოში სამედიცინო სფეროს 72 წარმომადგენელია ინფიცირებული.
