საქართველოს მთავრობამ ტურიზმის ამოქმედების ანტიკრიზისული გეგმა დღეს, 7 მაისს წარმოადგინა. ის მოიცავს როგორც ქვეყნის გახსნის ეტაპებს საერთაშორისო და შიდა ტურისტებისათვის, ისე – დახმარების პაკეტებს ტურიზმის სფეროში მომუშავე კერძო და იურიდიული პირებისათვის.

ტურიზმის ამოქმედების ეტაპები

I ეტაპი (მოსამზადებელი)

• უსაფრთხოების სტანდარტების დანერგვა სასაზღვრო გამშვებ პუნქტებსა და აეროპორტებში, განთავსების ობიექტებში (სასტუმროებში), გიდებთან, კვების ობიექტებში, სატრანსპორტო კომპანიებსა და საქალაქთაშორისო ტრანსპორტში.
• კერძო სექტორის ხელშეწყობა სტანდარტების დასანერგად (ტრენინგები, გაიდლაინები);
• ავიაკომპანიებთან ოპერირების განახლებაზე მოლაპარაკება;
• ქვეყნებს შორის უსაფრთხო დერეფნების შექმნა;
• ევროკავშირის ქვეყნების მიმართულებაში საქართველოს ინტეგრირება;
• საერთაშორისო მარკეტინგული კომპანია “საქართველო – უსაფრთხო დანიშნულების ადგილი.

II ეტაპი(გახსნა) – 15 ივნისი

• უსაფრთხო ტურისტული ზონების შექმნა;
• შიდა ტურიზმის ამოქმედება.

III ეტაპი (საერთაშორისო ტურიზმის ამოქმედება) – 1 ივლისი

• სახმელეთო და საჰაერო საზღვრების გახსნა უსაფრთხო დერეფნების შესაბამისად;
• ფრენების ეტაპობრივი აღდგენა

დახმარება ტურისტულ სექტორს

I ეტაპი (მარტი)

• ტურიზმთან დაკავშირებულ ბიზნესსუბიექტებს 4 თვის ქონებისა და საშემოსავლო გადასახადი 2020 წლის 1-ელ ნოემბრამდე გადაუვადდათ;
• მცირე სასტუმროებს სახელმწიფო უსუბსიდირებს საბანკო სესხების 80%-ს;
• შუამდგომლობა ტურისტულ ინდუსტრიასა და კომერციულ ბანკებს შორის სესხების რესტრუქტურიზაციის შესახებ;

II ეტაპი (აპრილი)

• ტურისტულ ინდუსტრიაში დაქირავებით დასაქმებული პირები, რომელთაც დაკარგეს სამსახური ან გაუშვეს უხელფასო შვებულებაში, მიიღებენ  1 200 ლარს 6 თვის მანძილზე (თვეში –200ლ.);
• თვითდასაქმებულები, რომელთაც დაკარგეს შემოსავლები, მიიღებენ ერთჯერად დახმარებას 300 ლარის ოდენობით;

ყოველ შენარჩუნებულ სამუშაო ადგილზე დამსაქმებელი მიიღებს სუბსიდიას:

• 6 თვის განმავლობაში 750 ლარის ოდენობის ხელფასი სრულად გათავისუფლდა საშემოსავლო გადასახადისგან;
• 1500 ლარამდე – 750 ლარის ოდენობაზე გათავისუფლდა საშემოსავლო გადასახადისგან.

III ეტაპი (მაისი)

• ბიზნესები გათავისუფლდებიან 2020 წლის ქონების გადასახადისგან;
• საშემოსავლო გადასახადი გადავადდება 2020 წლის ბოლომდე;

• დახმარება სასტუმროებს:

1. განთავსების ობიექტებს (სასტუმროებს), რომელთა წლიური ბრუნვა 20 მლნ ლარამდეა, სახელმწიფო სთავაზობს მათი საბანკო პროცენტის 80%-ის სუბსიდირებას სესხის პირველ 5 მლნ ლარზე. პროგრამა 6 თვის მანძილზე გაგრძელდება.
2. სახელმწიფო სასტუმროებს დაუსუბსიდირებს ტურისტულ გამოფენებში მონაწილეობას.
3. სახელმწიფო დაეხმარება სასტუმროებს მსოფლიო ტურისტული ორგანიზაციის უსაფრთხოების სატანდარტების დანერგვაში.

• დახმარება კვების ობიექტებს:

1. 2020 წლის ქონების გადასახადისგან გათავისუფლება;
2. საშემოსავლო გადასახადის წლის ბოლომდე გადავადება;
3. საკრედიტო-საგარანტიო სქემით სარგებლობა;
4. მსოფლიო ტურისტული ორგანიზაციის რეკომენდაციების დანერგვაში დახმარება.

• დახმარება ტურისტულ კომპანიებსა და გიდებს:

1. 2020 წლის ქონების გადასახადისგან გათავისუფლება;
2. საშემოსავლო გადასახადის წლის ბოლომდე გადავადება;
3. საბანკო გარანტიის პროცენტის სუბსიდირება 6 თვით;
4. ტურისტულ გამოფენებში მონაწილეობის თანხის სუბსიდირება;
5. მსოფლიო ტურისტული ორგანიზაციის რეკომენდაციების დანერგვაში დახმარება;
6. გიდების გადამზადების პროგრამა;
7. გიდების მხარდაჭერა – უფასო ვიზიტი მუზეუმში, დაცულ ტერიტორიებზე და სხვა.

თურნავას თქმით, ყველაზე რეალისტურია, რომ პირველი ტურისტები რეგიონის ქვეყნებიდან შემოვიდნენ