ნეტგაზეთი | გერმანიაში შესაძლოა 10-ჯერ მეტი ადამიანი იყოს ინფიცირებული — კვლევის წინასწარი შედეგები გერმანიაში შესაძლოა 10-ჯერ მეტი ადამიანი იყოს ინფიცირებული — კვლევის წინასწარი შედეგები – Netgazeti

გერმანიაში შესაძლოა 10-ჯერ მეტი ადამიანი იყოს ინფიცირებული — კვლევის წინასწარი შედეგები

ბონის უნივერსიტეტის მკვლევრების მიერ ჩატარებული კვლევის წინასწარი შედეგების თანახმად, შესაძლოა, გერმანიაში კორონავირუსით დაავადებული ადამიანების რაოდენობა დღეისთვის ცნობილ რიცხვზე 10-ჯერ მეტია. როგორც „გარდიანი“ წერს, მკვლევრებმა კორონავირუსით ერთ-ერთ ყველაზე მეტად დაზარალებულ ქალაქებში იმუშავეს.

„გარდიანის“ ცნობით, გამოქვეყნებულია კვლევის წინასწარი შედეგები და საჭიროა მისი სხვა მეცნიერების მიერ შეფასება, სამეცნიერო ჟურნალში რომ დაიბეჭდოს

როგორც მკვლევრები ამბობენ, მათი ანალიზით გერმანიაში მცხოვრები 1,8 მილიონი დაავადდა ან დაავადებულია კორონავირუსით. ამჟამად ცნობილია მხოლოდ 160 000 დადასტურებული შემთხვევის შესახებ. გარდა ამისა, კვლევის ფარგლებში გამოვლინდა, რომ 5 დაავადებულიდან 1-ს სიმპტომები არ აღენიშნება.

ნეტგაზეთის მასალების სხვა გამოცემებში გადაბეჭდვის წესი
ავტორი
ნიკა ბურდული – ნეტგაზეთის რეპორტიორი 2019 წლის დეკემბრიდან. E-mail: burrrduli@gmail.com