ნეტგაზეთი | აფხაზეთში საგანგებო მდგომარეობა გაუქმდა აფხაზეთში საგანგებო მდგომარეობა გაუქმდა – Netgazeti
Batumelebi | RU

აფხაზეთში საგანგებო მდგომარეობა გაუქმდა

აფხაზეთში ახალი ტიპის კორონავირუსის პრევენციისთვის დე ფაქტო პარლამენტის მიერ შემოღებული საგანგებო მდგომარეობა დღეს, 21 აპრილს გაუქმდა. საგანგებო მდგომარეობის გაუქმებასთან ერთად მოიხსნა გადაადგილების შეზღუდვა გალსა და გაგრის რაიონებში. ამის შესახებ ინფორმაციას აფხაზეთის დე ფაქტო საგანგებო შტაბის ხელმძღვანელი რაულ ლოლუა ადასტურებს.

ლოლუას თქმით, კვლავ დაკეტილია სკოლები, საბავშვო ბაღები, უნივერსიტეტები, საზოგადოებრივი კვების ობიექტები – სასადილოები, რესტორნები და კაფეები. ასევე დაკეტილია ტურისტული ობიექტები და სასტუმროები. ამასთან, კვლავ ჩაკეტილია საზღვარი რუსეთთან და გამშვები პუნქტები საქართველოს ხელისუფლების მიერ კონტროლირებად ტერიტორიასთან.

ლოლუას განმარტებით ,აფხაზეთის ტერიტორიაზე დაავადების ახალი წყაროები არ არის და სიტუაცია კონტროლირებადია.

COVID-19-ის გავრცელების პრევენციისთვის აფხაზეთის დე ფაქტო პარლამენტმა საგანგებო მდგომარეობის ზომები 27 მარტს დაამტკიცა.

ნეტგაზეთის მასალების სხვა გამოცემებში გადაბეჭდვის წესი
ავტორი