დღეისათვის საქართველოში სამედიცინო პერსონალის 10 წარმომადგენელია ინფიცირებული COVID-19-ით. ამის შესახებ დაავადებათა კონტროლის ცენტრის ხელმძღვანელმა ამირან გამყრელიძემ განაცხადა.
მისი თქმით, დაავადებულ პერსონალს შორის არიან სასწრაფო სამედიცინო სამსახურის, კლინიკებისა და ამბულატორიების თანამშრომლები.
მან მოუწოდა კოლეგა ექიმებს, გაეცნონ NCDC-ის გაიდლაინებსა და რჩევებს ინფექციის კონტროლთან დაკავშირებით, რომელიც ცენტრის ვებგვერდზეა გამოქვეყნებული. ამავდროულად, დააანონსა, რომ ამ საკითხებზე ცენტრის თანამშრომლები ონლაინ კონფერეცნიებსაც მოაწყობენ.
საქართველოში კორონავირუსის გავრცელების სტატისტიკა ამჟამად ასეთია:
- კორონავირუსის დადასტურებული შემთხვევა – 296
- მათ შორის გამოჯანმრთელებული – 69
- მათ შორის გარდაცვლილი – 3
- კარანტინის რეჟიმში – 4856
- სტაციონარში მეთვალყურეობის ქვეშ – 458
- *უცხოეთიდან სამკურნალოდ გადმოყვანილი საქართველოს მოქალაქეები – 3
ამავე თემაზე
რა უნდა გააკეთონ კერძო კლინიკებმა კორონავირუსის გავრცელებისგან თავის დასაცავად