ბოჭორიშვილის კლინიკის სამეთვალყურეო საბჭოს ხელმძღვანელის, მაკა სოლოღაშვილის თქმით, გუშინ, 13 აპრილს მათ კლინიკაში სასულიერო პირი მოათავსეს ოჯახის წევრებთან ერთად. ამის შესახებ მან ჟურნალისტებთან საუბრისას განაცხადა.
“დადასტურებულია კოვიდ-19-ის დიაგნოზი, გამოვლენილია მშრალი ხველა და ტემპერატურის მაღალი მაჩვენებელი. სასულიერო პირი გუშინ შემოიყვანეს კლინიკაში. ოჯახის სულ სამი წევრია მოთავსებული, მაგრამ რომელს რომლისგან გადაედო, ამ ეტაპზე ამაზე საუბარი არ არის საფუძვლიანი”, – განმარტა სოლოღაშვილმა 14 აპრილს.
“ნეტგაზეთი” ინფორმაციის გადასამოწმებლად საპატრიარქოს დაუკავშირდა, სადაც განმარტეს, რომ აღნიშნულმა მღვდელმა სხვა სასულიერო პირებთან ერთად იმსახურა რამდენიმე დღის წინ.
14 აპრილის დილის მონაცემებით, საქართველოში კოვიდ 19-ით ინფიცირებულტა რაოდენობა წინა საღამოს შემდეგ 24-ით გაიზარდა და ახლა 296 დადასტურებული შემთხვევაა.
ამავე თემაზე