ნეტგაზეთი | ერთი გამოჯანმრთელებული პაციენტი დაგვემატა – ეზუგბაია ერთი გამოჯანმრთელებული პაციენტი დაგვემატა – ეზუგბაია – Netgazeti

ერთი გამოჯანმრთელებული პაციენტი დაგვემატა – ეზუგბაია

ინფექციური საავადმყოფოს სამედიცინო დირექტორის, მარინა ეზუგბაიას თქმით, დღის განმავლობაში კლინიკაში კორონავირუსისგან კიდევ ერთი პირი გამოჯანმრთელდა, ქვეყნის მასშტაბით კი  – 68.

ეზუგბაია ჟურნალისტებთან ამბობს, რომ დღის ბოლომდე 11 პაციენტის პასუხს ელოდებიან, თუმცა ამ დროისთვის შემთხვევათა ოდენობა არ გაზრდილა.

მარინა ეზუგბაიას მიერ გავრცელებული ინფორმაცია ჯერ [19:58 საათი] არ ასახულა მთავრობის ოფიციალურ საიტზე – stopcov.ge-ზე. ვებგვერდის ცნობით, საქართველოში კორონავირუსის 266 შემთხვევა დაფიქსირდა, აქედან გამოჯანმრთელდა – 67.

ეს ნიშნავს, რომ ქვეყანაში ამჟამად 196 აქტიური პაციენტია, ანუ ის პირი, ვისაც ვირუსი დაუდასტურდა და ვინც ახლა მკურნალობას გადის.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან