ოზურგეთის სოფელ დვაბზუში საცხოვრებელ სახლში გაჩენილი ხანძარს შუახნის კაცი ემსხვერპლა. ამის შესახებ ინფორმაციას საგანგებო სიტუაციების მართვის სამსახური ავრცელებს.
უწყების თქმით, 112-ზე შეტყობინების შესვლის შემდეგ ადგილზე სამი სახანძრო-სამაშველო ჯგუფი მივიდა, ცეცხლი ორსართულიან საცხოვრებელ სახლს ეკიდა, დაახლოებით 140 კვ/მ ფართობზე.
ხანძრის ქრობისას მეხანძრე-მაშველებმა საცხოვრებელ სახლში, პირველ სართულზე შუახნის კაცის ცხედარი იპოვეს.
საგანგებო სიტუაციების მართვის სამსახურის განცხადებით, ამ დროისთვის ხანძარი ლიკვიდირებულია. მომხდარზე გამოძიება სისხლის სამართლის კოდექსის 187-ე მუხლის მე -2 ნაწილით დაიწყო, რაც სხვისი ნივთის დაზიანებას ან განადგურებას გულისხმობს, რამაც მნიშვნელოვანი ზიანი გამოიწვია.
