ნეტგაზეთი | ბორის ჯონსონი კლინიკიდან გაწერეს ბორის ჯონსონი კლინიკიდან გაწერეს – Netgazeti
ბორის ჯონსონი. ფოტო: EPA/NEIL HALL

ბორის ჯონსონი კლინიკიდან გაწერეს

დიდი ბრიტანეთის პრემიერი ბორის ჯონსონი კლინიკიდან გაწერეს, თუმცა ის სამსახურში ჯერ არ დაბრუნდება. ინფორმაციას ამის შესახებ BBC ავრცელებს.

ტელეარხის ცნობით, ექიმების რეკომენდაციის გათვალისწინებით, ჯონსონი გარკვეული პერიოდი იზოლაციაში იქნება. მას კორონავირუსის დიაგნოზი 10 დღის წინ დაუსვეს. თავდაპირველად, ბრიტანეთის პრემიერი სახლში მკურნალობდა, თუმცა მისი მდგომარეობა მოულოდნელად დამძიმდა და ის რეანიმაციულ განყოფილებაში გადაიყვანეს, სადაც 3 დღე გაატარა, მოგვიანებით კი მკურნალობა თერაპიულ განყოფილებაში განაგრძო.

ბორის ჯონსონმა მადლობა გადაუხადა თავის მკურნალ ექიმებს და მოსახლეობას შინ დარჩენისა და სოციალური დისტანცირებისკენ მოუწოდა.

ნეტგაზეთის მასალების სხვა გამოცემებში გადაბეჭდვის წესი
ავტორი
თაზო კუპრეიშვილი არის "ნეტგაზეთის" რედაქტორი 2018 წლის პირველი თებერვლიდან.