საქართველოში COVID-19-ის დაფიქსირებული შემთხვევების 3 პროცენტს მძიმე მიმდინარეობა აქვს, 97-ს კი – მსუბუქი ან საშუალო.
ამის შესახებ სტატისტიკას დაავადებათა კონტორლის ცენტრი (NDCD) ავრცელებს. NCDC-ს სტატისტიკის მიხედვით, ქვეყანაში, 10 აპრილის მონაცემებით, ახალ კორონავირუსზე 4005 ადამიანია ტესტირებული.
სტატისტიკის გამოქვეყნების დროს საქართველოში COVID-19 227 ადამიანს ჰქონდა დადასტურებული, რომელთაგან 54 გამოჯანმრთელდა, 3 კი გარდაიცვალა. შესაბამისად, სწორედ ამ მონაცემებს ეყრდნობა დაავადების მიმდინარეობის სტატისტიკაც.
უკანასკნელი მონაცემებით, (10 აპრილი, 16:00) საქართველოში COVID-19-ის 230 შემთხვევაა დადასტრუებული. კარანტინის რეჟიმში კი 4908 ადამიანი იმყოფება.