ნეტგაზეთი | ვარშავიდან და ბარსელონიდან ახალი რეისები დაინიშნა ვარშავიდან და ბარსელონიდან ახალი რეისები დაინიშნა – Netgazeti

ვარშავიდან და ბარსელონიდან ახალი რეისები დაინიშნა

საზღვარგარეთ მყოფი საქართველოს მოქალაქეების სამშობლოში დაბრუნების მიზნით, საკოორდინაციო საბჭომ  ბარსელონა-თბილისის და ვარშავა-თბილისის მიმართულებებით რეისები დანიშნა.

ახალი რეისები შემდეგ თარიღებში შესრულდება:

  • 24 აპრილი – ბარსელონა-თბილისი;
  • 27 აპრილი – ვარშავა-თბილისი.

5 აპრილს ასევე გამოცხადდა დამატებითი რეისები:

  • 16 აპრილი – პარიზი-თბილისი;
  • 18 აპრილი – თელ-ავივი-თბილისი;
  • 21 აპრილი – რომი-თბილისი.

აღნიშნულ რეისებს კომპანია „Georgian Airways” განახორციელებს. ავიარეისებზე ბილეთები გაიყიდება რეისის თარიღამდე 2 დღით ადრე, კომპანიის ვებ-გვერდზე. საგარეო საქმეთა სამინისტროს ცნობით, ბილეთის ფასია 199 ევრო. საქართველოში ჩამოსული ყველა მგზავრი 14-დღიან სავალდებულო კარანტინს გაივლის.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ჩიჩუა არის "ნეტგაზეთის" რეპორტიორი 2018 წლის სექტემბრიდან.