ნეტგაზეთი | რუს ექიმს, რომელიც 24 მარტს პუტინს შეხვდა, COVID-19 დაუდგინდა რუს ექიმს, რომელიც 24 მარტს პუტინს შეხვდა, COVID-19 დაუდგინდა – Netgazeti

რუს ექიმს, რომელიც 24 მარტს პუტინს შეხვდა, COVID-19 დაუდგინდა

მოსკოვის დასახლება კომუნარკის საავადმყოფოს მთავარ ექიმს, დენის პროცენკოს კორონავირუსი დაუდასტურდა. ინფორმაციას ამის შესახებ რუსული სახელმწიფო მედიასაშუალება „ტასს“ სახელმწიფო ტელევიზია „რასია 24″-ზე დაყრდნობით ავრცელებს.

პროცენკო 24 მარტს საავადმყოფოში მისულ ვლადიმერ პუტინს შეხვდა და ხელიც ჩამოართვა.

თუმცა, როგორც RTVI იუწყება, პუტინის პრეს-სპიკერმა დიმიტრი პესკოვმა განაცხადა, ვლადიმერ პუტინი კორონავირუსზე ტესტს რეგულარულად იტარებს და „ყველაფერი წესრიგში აქვს“.


ოფიციალური ინფორმაციით, რუსეთში ამჟამად კორონავირუსით დაავადების 2 300 მეტ შემთხვევაზეა ცნობილი. გარდაიცვალა 17 ადამიანი, გამოჯანმრთელდა 121.

გარეკანის ფოტოზე: დენის პროცენკო და ვლადიმერ პუტინი. ფოტო: ТАСС

ნეტგაზეთის მასალების სხვა გამოცემებში გადაბეჭდვის წესი
ავტორი
ნიკა ბურდული – ნეტგაზეთის რეპორტიორი 2019 წლის დეკემბრიდან. E-mail: burrrduli@gmail.com / მობ.: +995 597 14 88 31