ახალი ამბები

ქუთაისი და თბილისი – კორონავირუსის ორი ბოლო შემთხვევის დეტალები 27 მარტს

27 მარტი, 2020 • 1441
ქუთაისი და თბილისი – კორონავირუსის ორი ბოლო შემთხვევის დეტალები 27 მარტს

27 მარტის საღამოს საქართველოში კორონავირუსის დადასტურებული შემთხვევები ორით გაიზარდა და 83 შეადგინა.

ჯანდაცვის მინისტრის მოადგილემ, თამარ გაბუნიამ ტვ პირველის ეთერში განაცხადა, რომ ორი ბოლო შემთხვევიდან ერთი ქუთაისში დაფიქსირდა, მეორე კი- თბილისში.

მისი თქმით, კორონავირუსის ეს შემთხვევები არცერთ აქამდე ცნობილ კლასტერს არ უკავშირდება, თუმცა აღნიშნა, რომ არ წარმოადგენს შიდა გავრცელებას და მოგზაურობას უკავშირდება:

“ერთი მათგანი იმყოფებოდა კარანტინში, მეორე- თვითიზოლაციაში. ორივე შემთხვევა უკავშირდება მოგზაურობას”, – აღნიშნა გაბუნიამ და არ დააკონკრეტა, რა ქვეყნებიდან ჩამოვიდნენ პირები,  რომლებსაც ვირუსი დაუდასტურდათ. გაბუნიამ აღნიშნა, რომ არ ფლობს ინფორმაციას.

27 მარტის საღამოს მონაცემებით, კორონავირუსის სტატისტიკა საქართველოში ასეთია:

  • კორონავირუსის დადასტურებული შემთხვევა – 83
  • მათ შორის გამოჯანმრთელებული – 14
  • კარანტინის რეჟიმში – 4641
  • სტაციონარში მეთვალყურეობის ქვეშ – 239

მასალების გადაბეჭდვის წესი