დააავდებათა კონტროლის ეროვნული ცენტრის დირექტორის მოადგილის, პაატა იმნაძის განცხადებით, კორონავირუსით დაინფიცირების წყაროებს თურქეთიდან შემოსული ადამიანებიც დაემატნენ.

“ძალიან მნიშვნელოვანია ის, რომ დღეს დამატებული შემთხვევებიდან ახალი კლასტერი არცერთი არ არის. ოთხი ადამიანი არის მარნეულელი პაციენტის ძალიან ახლო და მჭიდრო კონტაქტები. დაინფიცირების წყაროებს დაემატა აშშ-დან და თურქეთიდან შემოტანილი შემთხვევები. ასე რომ, ვირუსის შემოტანის გეოგრაფია საკმაოდ გაფართოვდა და ჯერჯერობით ყველა კონტროლდება”, – ამბობს იმნაძე.

24 მარტის 15 საათის მდგომარეობით, საქართველოში კორონავირუსული ინფექციის 67 შემთხვევაა დადასტურებული. მათგან გამოჯანმრთელდა 9 ადამიანი. კარანტინის რეჟიმში 4 055 პირია მოთავსებული, სტაციონარში მეთვალყურეობის ქვეშ კი 25-ზე მეტი.