საქართველოს ფეხბურთის ფედერაციის ინფორმაციით, კორონავირუსთან საბრძოლველად 100 ათას ლარს გამოყოფებს. ფედერაციის მიერ გავრცელებული განცხადების თანხმად, ისინი მზად არიან, ფედერაციის ბალანსზე არსებულ სასტუმროში საკარანტინო ზონები მოეწყოს.
“საქართველოს ფეხბურთის ფედერაცია მზადყოფნას გამოთქვამს გაიღოს ფინანსური მხარდაჭერა 100 ათასი ლარის ოდენობით, რათა ხელი შეუწყოს საქართველოში COVID 19-ის სახელით ცნობილ, ახალ კორონავირუსთან ბრძოლას. ასევე, მზად ვართ ფეხბურთის ფედერაციის ბალანსზე არსებულ სასტუმროში მოვაწყოთ საკარანტინო ზონა.
ქართული ფეხბურთის მმართველი ორგანო, გრძნობს ერთობისა და საზოგადოებრივი პასუხისმგებლობის მნიშვნელობას ამ კონკრეტული გამოწვევის ერთად დამარცხებაში,” – წერია განცხადებაში.
დღეს, 13 მარტის (16:18 საათის მონაცემებით) საქართველოში კორონავირუსის 25 შემთხვევაა დადასტურებული, საკარანტინო რეჟიმში კი 245 ადამიანი იმყოფება.
