დაავადებათა კონტროლის ეროვნული ცენტრის ხელმძღვანელის, ამირან გამყრელიძის თქმით 21 თებერვლიდან 10 მარტის ჩათვლით თვითიოზლაციის რეკომენდაცია მიეცა 1108 ადამიანს.
მისი თქმით, ერთ-ერთ მთავარ პრობლემას ამ დროის მონაცემებით წარმოადგენს თვითიზოლაციაში მყოფი პირების მონიტორინგი:
“გადაწყვეტილებებია მიღებული მთავრობის მიერ, რომ გარდა საზოგადოებრივი ჯანდაცვის თანამშრომლებისა, აქ [თვითიზოლაციის მონიტორინგისთვის] სერიოზულად იქნება მხარდაჭერა შინაგან საქმეთა სამინისტროს საპატრულო პოლიციის თანამშრომლების მხრიდან, რათა კარგად მოხდეს თვითიზოლაციაში მყოფი ადამიანების მონიტორინგი, ისევე, როგორც კარანტინში მყოფი ადამიანების” – განაცხადა გამყრელიძემ.
დღეს, 10 მარტს, გამართულ ბრიფინგზე გამყრელიძემ ასევე აღნიშნა, რომ ამ დროისთვის საქართველოში კორონავირუსი 15 ადამიანს აქვს დადასტურებული. კარანტინში იმყოფება 178 ადამიანი ხოლო სტაციონარში მეთვალყურეობის ქვეშ რჩება 56 ადამიანი.