საქართველო-ბელარუსი: ერთი თვით ადრე ყველა ბილეთი გაიყიდა

საქართველოს-ბელარუსის მატჩამდე ზუსტად ერთი თვით ადრე ყველა ბილეთი გაყიდულია.

მატჩი 26 მარტს არის ჩანიშნული. 26 თებერვლის მონაცემებით, უკვე ყველა ბილეთი გაიყიდა (ბილეთებს ამიერიდან ვერც ონლაინ იყიდით tkt.ge-ზე და ვერც მოედნის სალაროებში).

ინფორმაცია „ნეტგაზეთს” საქართველოს ფეხბურთის ფედერაციაში დაუდასტურეს.

საქართველოსა და ბელარუსის საფეხბურთო ნაკრებები უეფას 2020 წლის ევროპის ჩემპიონატის საკვალიფიკაციო ეტაპის პლეი-ოფის ნახევარფინალში ხვდებიან ერთმანეთს.

შეხვედრა 26 მარტს, 21:00 საათზე დაიწყება თბილისში, ბორის პაიჭაძის სახელობის დინამო არენაზე. კარი 18:00 საათიდან გაიღება.

ამ შეხვედრაში გამარჯვებულმა გუნდმა კიდევ ერთი თამაში უნდა მოიგოს [ჩრდ. მაკედონია-კოსოვოს წყვილის გამარჯვებულთან] და ამის შედეგად გავა ევროპის ჩემპიონატზე.

საქართველო-ბელარუსისა და ჩრდ.მაკედონია-კოსოვოს წყვილებში გამარჯვებულები 31 მარტს შეხვდებიან ერთამენთს. ამ მატჩის ბილეთების გაყიდვა გამარჯვებულების გამოვლენის შემდეგ დაიწყება.

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია - „ნეტგაზეთის“ რეპორტიორი 2018 წლის სექტემბრიდან. მობ.: 995 555 223 568; ელ-ფოსტა: lukapertaia@gmail.com