ნეტგაზეთი | ირანთან და ჩინეთთან ავიამიმოსვლის შეჩერებამ 30 მლნ ზარალი გამოიწვია – თურნავა ირანთან და ჩინეთთან ავიამიმოსვლის შეჩერებამ 30 მლნ ზარალი გამოიწვია – თურნავა – Netgazeti
RU | GE  

ირანთან და ჩინეთთან ავიამიმოსვლის შეჩერებამ 30 მლნ ზარალი გამოიწვია – თურნავა

ეკონომიკის მინისტრ ნათია თურნავას ინფორმაციით, ირანთან და ჩინეთთან პირდაპირი ავიამიმოსვლის შეჩერება საქართველოს ყოველთვიურად დაახლოებით 30 მილიონი ლარით აზარალებს.

მიუხედავად ამისა, თურნავას თქმით, მთავარია საქართველოს მოქალაქეების ჯანმრთელობა.

“ჩვენ ვერსად გავექცევით იმას, რომ გარკვეული ნეგატიური ზეგავლენა გამოიწვია ირანთან პირდაპირი მიმოსვლის შეჩერებამ, ჩინეთთან პირდაპირი მიმოსვლის შეჩერებამ… რაც ჩვენ დავითვალეთ, დაახლოებით 30 მილიონი ლარი თვეში. მაგრამ ჩვენთვის ყველაზე მნიშვნელოვანია ჯანმრთელობა ჩვენი ერის, ჩვენი მოქალაქეების და ჩვენ ამისთვის ყველაფერს გავაკეთებთ. იმედი მაქვს, რომ ეს გამოწვევა ძალიან მალე იქნება გადალახული”, – აღნიშნა ნათია თურნავამ.

ახალი კორონავირუსის გავრცელების საფრთხის გამო, საქართველოს ჩინეთთან და ირანთან პირდაპირი ავიამიმოსვლა შეჩერებული აქვს.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ჩიჩუა არის "ნეტგაზეთის" რეპორტიორი 2018 წლის სექტემბრიდან.