“ერთი მხრივ, არ იცვლება არაფერი, გრძელდება ის, რაც აქამდე ხდებოდა. მეორე მხრივ, ეს არის კიდევ ერთი ნაბიჯი საქართველოს დამცირებისა და პროვოცირებისკენ. ამერიკის შეერთებული შტატებისა და საერთაშორისო თანამეგობრობის პოზიცია უცვლელი რჩება – ჩვენ განვაგრძობთ საქართველოს ტერიტორიული მთლიანობის მხარდაჭერას”, – განუცხადა “რუსთავი 2”-ს რიჩარდ ნორლანდმა.

11 ივლისს რუსეთის შეიარაღებულმა ძალებმა, რომლებიც საქართველოს მთავრობისა და საერთაშორისო თანამეგობრობის შეფასებით, რუსეთის საოკუპაციო რეჟიმს წარმოადგენს, გორის მუნიციპალიტეტის სოფელ წითელუბნისა და ახალგორის მუნიციპალიტეტის სოფელ ორჭოსანის მიმდებარე ტერიტორიაზე, თბილისი-გორის ცენტრალური ავტომაგისტრალის სიახლოვეს ე.წ. საზღვრის აღმნიშვნელი ბანერები აღმართეს.