აშშ-ის ელჩმა რიჩარდ ნორლანდმა, იტალიის ელჩმა ფედერიკა ფავიმ, უკრაინის ელჩმა ვასილი ციბენკომ და შვეიცარიის ელჩმა გიუნტერ ბეხლერმა საქართველოში საქმიანობის ვადა დაასრულეს.
თამარ ბერუჩაშვილმა ღონისძიების მონაწილეებს სიტყვით მიმართა. მინისტრმა ელჩებს მადლობა გადაუხადა გაწეული საქმიანობისა და მათი მოღვაწეობის პერიოდში აღნიშნულ ქვეყნებთან ორმხრივი ურთიერთობების გაღრმავებაში შეტანილი წვლილისათვის.
საგარეო საქმეთა სამინისტროს ინფორმაციით, გამოსამშვიდობებელ საღამოს საქართველოში აკრედიტებული დიპლოატიური კორპუსის წარმომადგენლები ესწრებოდნენ. რიჩარდ ნორლანდი საქართველოში 2012 წლიდან, ფედერიკა ფავი 2011 წლიდან, ვასილი ციბენკო 2009 წლიდან, ხოლო გიუნტერ ბეხლერი საქართველოში 2010 წლიდან მოღვაწეობს.
