ფელისინო ლოპესთან გამარჯვების შემდეგ ქართველი ჩოგბურთელი უიმბლდონის ტურნირის მესამე წრეში გადავიდა, სადაც კიდევ ერთ ესპანელ სპორტსმენს დაუპირისპირდება. მომდევნო მატჩში ბასილაშვილი უიმბლდონის ტურნირზე მე-20 ნომრად განთესილ რობერტო ბაუტისტა-აგუტს შეხვდება.
23 წლის ნიკოლოზ ბასილაშვილს დღევანდელი გამარჯვებით 90 ქულა და 77 ათასი ფუნტი სტერლინგი მიიღო.
ბასილაშვილმა უიმბლდონის პირველი წრე არგენტინელ ფაკუნდო ბახნისის დამარცხებით დაიწყო, რომელსაც სამ სეტში – 6:4, 7:6, 6:2 აჯობა. ამ გამარჯვებით მან 29 ათასი ფუნტ სტერლინგი მიიღო. ქართველ ჩოგბურთელს ძირითად ბადეში გასვლისთვის 25 ქულა დაერიცხა, პირველი გამარჯვების შემდეგ კი- კიდევ 10.
საკვალიფიკაციო ბადეში წარმატებული თამაშით ბასილაშვილს 25375 გირვანქა უკვე ჰქონდა გამომუშავებული. 129-ე უიმბლდონის საპრიზო ფონდი 26,75 მილიონი გირვანქას შეადგენს.