ბილ გეიტსისა და მისი მეუღლის, მელინდა გეიტსის ფონდი კორონავირუსთან საბრძოლველად 10 მილიონ დოლარს გადარიცხავს. ინფორმაციას ფონდის ოფიციალური საიტი ავრცელებს.
განცხადებაში ნათქვამია, რომ ფონდი გადარიცხავს თანხას სხვადასხვა ორგანოებში – მათ შორის ჩინეთის ოფიციალურ სახელმწიფო სტრუქტურებში. თანხის ნაწილს მიიღებენ ჩინეთის ჯანდაცვის სტრუქტურები, ნაწილს კი- სხვადასხვა უნივერსიტეტები. ფული მოხმარდება ლოგისტიკურ, ორგანიზაციულ და კვლევით ხარჯებს.
ფონდი აგრეთვე გაიღებს 5 მილიონ დოლარს აფრიკაში სხვადასხვა დაავადებების დასამარცხებლად.
ჩინეთში კორონავირუსის შედეგად ამჟამად 80 ადამიანია გარდაცვლი, 2700-ზე მეტი კი ინფიცირებულია.
საქართველოში უკვე მიღებულია სხვადასხვა ზომები – აეროპორტში ჩამოსული მგაზვრები ვირუსზე მოწმდებიან, ხოლო საგარეო საქმეთა სამინისტროს განცხადებით, ჩინეთში მყოფ საქართველოს მოქალაქეებს ამჟამად საფრთხე არ ემუქრებათ.
გარეკანის ფოტოზე: ბილ და მელინდა გეიტსები. გარეკანის ფოტო: EPA