ნეტგაზეთი | 31 დეკემბერს დაკავებულ ზუკა ბერძენიშვილზე და 3 აქტივისტზე საქმის წარმოება შეწყდა 31 დეკემბერს დაკავებულ ზუკა ბერძენიშვილზე და 3 აქტივისტზე საქმის წარმოება შეწყდა – Netgazeti

31 დეკემბერს დაკავებულ ზუკა ბერძენიშვილზე და 3 აქტივისტზე საქმის წარმოება შეწყდა

31 დეკემბრის ღამეს დაკავებულ აქტივისტებზე დღეს, 22 იანვარს, საქალაქო სასამართლომ გადაწყვეტილება გამოაცხადა.

მოძრაობა „სირცხვილიას“ ინფორმაციით, მოსამართლემ 4 აქტივისტზე საქმის წარმოება შეწყვიტა, ერთს კი სიტყვიერი შენიშვნა მისცა. კერძოდ:

ზური მჟავანაძე – სიტყვიერი შენიშვნა
ბექა კოკაია – საქმის წარმოება შეწყდა
გიორგი მუმლაძე – საქმის წარმოება შეწყდა
ზურაბ ბერძენიშვილი – საქმის წარმოება შეწყდა
ლაშა ბურდული – საქმის წარმოება შეწყდა

აქტივისტები 30-31 დეკმებრის ღამეს დააკავეს, მას შემდეგ, რაც მერიამ პარლამენტის წინ კარვების აღება და ატრაქციონების განთავსება დაიწყო, რასაც დემონსტრანტების პროტესტი მოჰყვა. აქტივისტებსა და პოლიციას შორის სიტუაცია რამდენჯერმე დაიძაბა. მათ ხულიგნობასა და პოლიციისადმი დაუმორჩილებლობას ედავებოდნენ.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან