ახალი ამბები

სერგეი შამბა ქართულ მხარესთან დიალოგის საჭიროებაზე კვლავ საუბრობს

13 იანვარი, 2020 • 6867
სერგეი შამბა ქართულ მხარესთან დიალოგის საჭიროებაზე კვლავ საუბრობს

დე ფაქტო აფხაზეთის ოპოზიციის წარმომადგენელმა, სერგეი შამბამ ამჟამად„მთავარ არხთან“ ინტერვიუში განაცხადა, რომ ქართულ მხარესთან ნორმალური ურთიერთობების დამყარებაა საჭირო.

„მთავარის“ ეთერში გასული სატელეფონო ზარის ჩანაწერში შამბა აცხადებს: „ჩვენ გვჭირდება დიალოგი, რათა ნორმალური ურთიერთობები დავამყაროთ. მე ამის მომხრე ვარ და ვეწინააღმდეგები დღევანდელის მსგავსი კონფრონტაციის გაგრძელებას“.

კითხვაზე, თუ როგორ ხედავს დიალოგის პერსპექტივას, შამბამ განაცხადა, რომ საუბრის დაწყებაა საჭირო – „უნდა დავსხდეთ და საუბარი დავიწყოთ. ამისთვის სხვადასხვა ფორმა არსებობს“.

კითხვაზე, რამდენად უნდა იყოს დიალოგი ერთი-ერთზე, შამბა პასუხობს: „ჩვენ ხომ ამაზე ვსაუბრობთ, რა თქმა უნდა“.

სერგეი შაბმა დე ფაქტო აფხაზეთის ოპოზიციის ერთ-ერთი წარმომადგენელია. წარსულში  აფხაზეთის დე ფაქტო პრემიერ-მინისტრი და საგარეო საქმეთა მინისტრი იყო. ქართულ მხარესთან პირდაპირი დიალოგის საჭიროებაზე შამბას არაერთხელ აქვს ნათქვამი.

შამბა: საქართველოსთან დიალოგის დაწყების დროა, ქართველებს მტრად არ მივიჩნევ

 

მასალების გადაბეჭდვის წესი