“თუ ზეწოლოს გარეშე გააკეთა, ეს ისევ იმაზე მეტყველებს, რომ მას აქვს დიდი მასშტაბის პასუხისმგებლობა. ორივე შემთხვევაში, ნებაყობლობითი თუ ძალდატანებითი, ეს თავად ხელისუფლების პასუხისმგებლობას არ ხსნის. ახლა ყველაზე ადვილი არის ჯოხის გადატეხვა ზურაბ გურიელიძეზე. სწორედ ეს გააკეთა ამ ხელისუფლებამ. ერთი საათის წინ დადებულმა ინფორმაციამ, რომ მოსულიყო საზოგადოება ამ ადამიანის მხარდასაჭერად კანცელარიასთან, გამოიწვია ის, რომ გამოიყვანა აქ ამ რაოდენობის ადამიანი.”

ელისაშვილის თქმით, აუცილებელი პირობა არის ის, რომ ერთ წყაროს არ ენდობი და მას აუცილებლად ამოწმებ: “მეორე არის ის, რომ თუ ერთ წყაროს არ ენდობი და ამ ინფორმაციას ამოწმებ – მოსახლეობა ერთი დღით ადრე რეკავდა და ეუბნებოდა, რომ გვესმის ლომის ღრიალის ხმა, რაზედაც რეაგირება არ გაკეთდა. ამ თვალსაზრისით ამ ადამიანის დადანაშაულება არის, კიდევ ერთხელ ვამბობ, იმ რანგის დანაშაული, რომ უდანაშაულო ადამიანს აბრალებ იმ მსხვერპლს, რომელიც დღეს ვნახეთ თბილისის ქუჩებში.”

 

“სამწუხაროდ, ამ დღეებმა, მიუხედავად იმისა, რომ მობილიზების თვალსაზრისით მოხალისეთა დიდი ჯარია გამოსული, მენეჯმენტის კუთხით, იქნება ეს სვანეთის ქუჩა, მზიური თუ ვაკის სასაფლაო, ყველგან აკლია მენეჯმენტი. ეს არის ხელისუფლების პასუხისმგებლობა, რომ მან მართოს ის სიტუაცია, რაც ხდება ამ ტრაგედიის ოთხი დღის განმავლობაში. პასუხისმგებლობა ეკისრება იმ ინსტიტუციებს, ვისაც პრიორიტეტად სვანეთის ქუჩასთან ერთად უნდა ეღიარებინა ზოოპარკი. სასწრაფოდ უნდა გაეწმინდათ ოქაურობა, უნდა დათვლილიყო, რამდენი ცხოველი დაიხოცა ადგილზე და აქედან გამომდინარე ზუსტი ცნობა – რამდენი არის დაკარგული ქალაქში. ეს არ მოხდა. მხოლოდ ზოოპარკის თანამშრომლების დადანაშაულება, მით უმეტეს, როდესაც ერთი დღით ადრე ეს ადამიანები აფიქსირებენ, რომ სამი ცხოველი არის გარეთ, ამის გაკეთება და დადანაშაულება არის უბრალოდ სირცხვილი და მეტი არაფერი,” – აცხადებს ცირა ელისაშვილი.

 

დღეს, 17 ივნისს პრემიერ-მინისტრმა, ირაკლი ღარიბაშვილმა პროკურატურას საქმის გამოძიება დაავალა. საქართველოს მთავარი პროკურორის გიორგი ბადაშვილის განცახდებით, გამოძიება მყისიერად დაიწყო სამსახურეობრივი გულგრილობის ფაქტზე. ზოოპარკის დირექტორი ზურაბ გურიელიძე პროკურატურამ უკვე დაკითხა. 

დღეს ლაგუნა ვერეს ტერიტორიაზე ვეფხვი 40 წლამდე მამაკაცს დაესხა თავს. მამაკაცი გარდაიცვალა, ვეფხვი – ლიკვიდირებულია. მთავრობის ინფორმაციით, მათ ზოოპარკის ადმინტრაციისგან ჰქონდათ ინფორმაცია, რომ ზოოპარკის მიღმა არც ერთი მტაცებელი არ იმყოფებოდა.

13-14 ივნისს თბილისში მდინარე ვერეს ადიდებამ და ჩამოწოლილმა მეწყერმა წყალდიდობა გამოიწვია, რის გამოც თბილისსში რამდენიმე ადგილი დაიტბორა. სტიქიის შედეგად, ამ დროისთვის არსებული მონაცემებით, 19 ადამიანია დაღუპული, დაკარგულად ითვლება 4, ხოლო უსახლკაროდ 200-ზე მეტი ადამიანია დარჩენილი. ზოოპარკის დატბორვის შედეგად დაიღუპა მისი სამი თანამშრომელი, ცხოველები, რომელთა ნაწილი ცეცხლსასროლი იარაღითაა მოკლული. მთავრობის წინასწარი მონაცემებით, სტიქიისგან მიყენებული ზარალი 100 მილიონ ლარს აჭარებებს.