საქართველოს ინფრასტრუქტურის სამინისტროს დაქვემდებარებაში არსებულ შპს „გაერთიანებული წყალმომარაგების კომპანიას“ დღეიდან გრიგოლ მანდარია უხელმძღვანელებს. წინა ხელმძღვანელმა ეკატერინე ქალდავამ თანამდებობა დატოვა.
ინფორმაციას ამის შესახებ წყალმომარაგების კომპანია ავრცელებს, თუმცა საკადრო ცვლილების მიზეზი არაა განმარტებული. ამ ცვლილებას უძღოდა წინ წყლის პრობლემები სამთო კურორეტებზე.
კომპანიის ცნობით, ახალი ხელმზღვანელი გრიგოლ მანდარია განათლებით ეკონომისტია. 2012 წლიდან სსიპ ,,საქართველოს ენერგეტიკისა და წყალმომარაგების მარეგულირებელ ეროვნულ კომისიაში” წყალმომარაგების დეპარტამენტს ხელმძღვანელობდა, ხოლო 2019 წელს დაინიშნა საქართველოს რეგიონული გავითარებისა და ინფრასტრუქტურის სამინისტროში მრჩევლად წყალმომარაგების საკითხებში.
“გრიგოლ მანდარიას მოპოვებული აქვს ენერგეტეკისა და ტელეკომუნუკაციის დოქტორის ხარისხი. გრიგოლ მანდარიას აქვს წყალმომარაგების კომპანიების მიერ განხორციელებული ინვესტიციების შეფასება–ანალიზიისა და წყალმომარაგების სექტორში ინვესტიციების განმახორციელებელ საერთაშორისო ორგანიზაციებთან თანამშრომლობის რამდენიმეწლიანი გამოცდილება, რაც დაეხმარება მას „გაერთიანებული წყალმომარაგების კომპანიის“ მიერ დასახული გეგმების და ახალი პროექტების განხორციელებაში”, – აცხადებს წყალმომარაგების კომპანია.