შინაგან საქმეთა სამინისტროს ქვემო ქართლის პოლიციის დეპარტამენტის თანამშრომლებმა 3 იანვარს კიდევ ერთი პირი დააკავეს დადეშელის მკვლელობის საქმეზე.
საუბარია ზურაბ დადეშელის მკვლელობის საქმეზე, რომელიც პირველ ოქტომბერს გაუჩინარდა და მტკვარმა მისი ცხედარი 5 ოქტომბერს გამორიყა. დადეშელს არაერთი ჭრილობა ჰქონდა მიყენებული.
პოლიციამ აღნიშნულ საქმეზე 5 პირი ადრე დააკავა, ხოლო ზ.ჯ-ის დაკავების მიზნით ოპერატიულ-სამძებრო ღონისძიებები მიმდინარეობდა. პოლიციის ცნობით ის 1983 წელსაა დაბადებული და წარსულში მრავალჯერ ნასამართლევია.
დაკავებულის მიმართ გამოძიება თავისუფლების უკანონო აღკვეთისა და დამამძიმებელ გარემოებაში ჩადენილი განზრახ მკვლელობის ფაქტებზე სსკ-ის 143-ე და 109-ე მუხლებით მიმდინარეობს.
