საქართველოს პრეზიდენტთან, სალომე ზურაბიშვილთან შეხვედრის შემდეგ დიდი ბრიტანეთისა და გერმანიის ელჩებმა, ჯასტინ მაკენზი სმიტმა და ჰუბერტ ქნირშმა იმედი გამოთქვეს, რომ უახლოეს პერიოდში მოიძებნება „ჰუმანიტარული გადაწყვეტის გზა“.

„დღევანდელი ახალი ამბავი ცხინვალიდან ექიმი ვაჟა გაფრინდაშვილის შესახებ ძალიან შემაშფოთებელია. იმ დროს, როდესაც ჰუმანიტარული საჭიროებები ცხინვალში ასეთი მძიმეა, მართლა რთულია, გავიგოთ, რა სარგებელს იღებს ვინმე მედიცინის სპეციალისტების დაკავებით. მთელი გულით ვიმედოვნებ, რომ ექიმი ვაჟა გაფრინდაშვილი გათავისუფლებული იქნება და რაც შეიძლება სწრაფად დაუბრუნდება თავის ოჯახს“.

გერმანიის ელჩმა, ჰუბერტ ქნირშმა განაცხადა: „მთელი გულით ვიმედოვნებ, რომ ექიმ ვაჟა გაფრინდაშვილის საქმეში ჰუმანიტარული გამოსავალი იქნება ნაპოვნი. ჩვენ შეშფეთებული ვარ ფაქტით, რომ ის უკვე კვირებია, არალეგალურად არის დაკავებული ცხინვალში. ოჯახთან ერთად, ვიმედოვნებთ, რომ მოიძებნება ჰუმანიტარული გამოსავალი უახლოეს პერიოდში“.

ნახეთ ასევე:

ვაჟა გაფრინდაშვილის საკითხზე პრეზიდენტი ელჩებს შეხვდა