ცესკოს ცნობით, ორივე მაჟორიტარულ ოლქში რეგისტრირებულები არიან “ქართული ოცნების”, “ერთიანი ნაციონალური მოძრაობის” და “თავისუფალი საქართველოს” კანდიდატები, ხოლო სენაკში რეგისტრირებულია საინიციატივო ჯგუფის წარმომადგენელიც.

“ორივე ოლქში ამომრჩეველთა საერთო რაოდენობა 2467-ია. სენაკის ერთ უბანზე (ფოცხო) ფიქსირდება 626 ამომრჩეველი, ხოლო მეორეზე (ქვემო ფოცხო) – 689. რაც შეეხება ზუგდიდს, აქ იხსნება ერთი უბანი, სადაც სულ – 1152 ამომრჩეველია.”

ცესკოს ინფორმაციით, სამივე უბანზე ხმის მიცემის პროცესი საღამოს 8 საათზე დასრულდება. რის შემდეგაც საარჩევნო ადმინისტრაცია ხმის დათვლის პროცედურებს დაიწყებს და, როგორც კი ცესკო მიიღებს შემაჯამებელ ოქმებს, დაუყოვნებლივ გამოქვეყნდება კომისიის სპეციალურ ვებ-გვერდზე results.cec.gov.ge.

 ხმის მიცემის მიმდინარეობას დააკვირდებიან შესაბამისი საარჩევნო სუბიექტების წარმომადგენლები, ასევე შუალედური არჩევნებისთვის რეგისტრირებული 9 ადგილობრივი სადამკვირვებლო ორგანიზაციის 52 დამკვირვებელი და მედიაორგანიზაციები.

ცესკოს ცნობით, იმუშავებს სარჩევნო კომისიის კონტაქტ-ცენტრი, რომლის ტელეფონის ნომერიც არის – 2 51 00 51; ასევე იქნება ხელმისაწვდომი ონლაინ ჩატი და ონლაინ ოპერატორი.