ნეტგაზეთი | პარლამენტში ვანო ზარდიაშვილის ადგილმონაცვლედ თემურ გოცირიძე შევიდა პარლამენტში ვანო ზარდიაშვილის ადგილმონაცვლედ თემურ გოცირიძე შევიდა – Netgazeti

პარლამენტში ვანო ზარდიაშვილის ადგილმონაცვლედ თემურ გოცირიძე შევიდა

საქართველოს პარლამენტმა დღეს, 10 დეკემბერს, 88 ხმით არცერთის წინააღმდეგ, მხარი დაუჭირა თემურ გოცირიძის სადეპუტატო უფლებამოსილების ცნობას. შესაბამისად, გოცირიძე საკანონმდებლო ორგანოში ვანო ზარდიაშვილის ნაცვლად შევიდა.

ვანო ზარდიაშვილმა პარლამენტი ყოფილ თანაგუნდელთან, ეკა ბესელიასთან დაპირისპირების შემდეგ დატოვა. ეკა ბესელია ზარდიაშვილს თვეების განმავლობაში ადანაშაულებდა ე.წ. მოსამართლეთა კლანის ლობირებაში. ერთ-ერთი კანდიდატის განხილვისას კი ვანო ზარდიაშვილმა ეკა ბესელიას მიმართ შეურაცხმყოფელი რეპლიკა გამოიყენა, რის შემდეგაც ბესელიამ მას სახეში ხელი აარტყა.

ვანო ზარდიაშვილმა პარლამენტი დატოვა

ნეტგაზეთის მასალების სხვა გამოცემებში გადაბეჭდვის წესი
ავტორი
თაზო კუპრეიშვილი არის "ნეტგაზეთის" რედაქტორი 2018 წლის პირველი თებერვლიდან.