იუსტიციის მინისტრი თეა წულუკიანი და ეკონომიკის მინისტრი ნათია თურნავა აქებენ „ქართული ოცნების“ დამფუძნებლის, ბიძინა ივანიშვილის გუშინდელ ინტერვიუს „იმედზე“, განსაკუთრებით კი გამოყოფენ ინტერვიუს იმ ნაწილს, რომელიც დასაქმებას ეხება.

ივანიშვილმა 27 ნოემბრის ინტერვიუში თქვა, რომ „ორ მილიონ სამუშო ადგილს უახლოეს 20 წელიწადში საქართველოში ვერც ერთი ეკონომიკა ვერ შექმნის“ და გამოსავალს ხედავს მათ დასაქმებაში ევროპის სხვადასხვა ქვეყანაში.

მეორე დღეს, 28 ნოემბერს, მთავრობის სხდომის შემდეგ, იუსტიციის მინისტრმა თეა წულუკიანმა „სიღრმისეული და მასშტაბური“ უწოდა ბიძინა ივანიშვილის ინტერვიუს, რომელიც სხვა საკითხებთან ერთად, დასაქმების საკითხებს ეხებოდა.

„ეს ინტერვიუ მთლიანად გვაჩვენებდა, რაც არის და ვინც არის ბიძინა ივანიშვილი. ეს არის ადამიანი, რომელსაც არ აქვს პირადი ინტერესი, რომ იმყოფებოდეს იქ, სადაც არის, ანუ მმართველი ძალის სათავეში, და ეს არის ადამიანი, რომლისთვისაც მთავარი არის სახელმწიფოს, და ქართული სახელმწიფოს, სწრაფი განვითარება იმ პირობებში, რა პირობებშიც ჩვენი ქვეყანა იმყოფება. ეს არის ოკუპაცია, ეკონომიკური პრობლემები და ეს არის დასაქმება, რაზეც იყო სიღრმისეული და მასშტაბური საუბარი გუშინ ამ ინტერვიუს დროს“, — განაცხადა წულუკიანმა.

ინტერვიუს ეს ნაწილი ეკონომიკის მინისტრმა ნათია თურნავამაც შეაქო და თქვა, რომ ინტერვიუს სხვადასხვა გზავნილიდან მისთვის განსაკუთრებით მნიშვნელოვანი დასაქმების ნაწილი იყო.

„ჩემთვის, როგორც ეკონომიკის მინისტრისთვის, განსაკუთრებით მნიშვნელოვანია ის ნაწილი, რაც შეეხება დასაქმებას“, – თქვა თურნავამ და დასძინა: