აზერბაიჯანის მმართველი პარტიის, “ენი აზერბაიჯანის” პოლიტიკური საბჭოს რიგგარეშე სხდომაზე აზერბაიჯანის პარლამენტის – მილი მეჯლისის დათხოვნისა და ვადამდელი არჩევნების გამართვის გადაწყვეტილება მიიღეს.
ოფიციალური ინფორმაციით, გადაწყვეტილების მიღების მიზეზი ის გახდა, რომ პარლამენტის არსებული შემადგენლობა აღარ შეესაბამება ქვეყნის წინაშე მდგარი ამოცანებსა და გატარებული რეფორმების პოლიტიკას.
აღნიშნულ საკითხზე საპარლამენტო უმრავლესობა ხვალ, 29 ნოემბერს იმსჯელებს.
აზერბაიჯანის მილი მეჯლისში 125 დეპუტატია და ყველა მათგანი მაჟორიტარული სისტემით აირჩევა.