ნეტგაზეთი | არქივში შევა და სტუდენტებს ასწავლიან – ბოკერია ივანიშვილის ინტერვიუზე არქივში შევა და სტუდენტებს ასწავლიან – ბოკერია ივანიშვილის ინტერვიუზე – Netgazeti
RU | GE  

არქივში შევა და სტუდენტებს ასწავლიან – ბოკერია ივანიშვილის ინტერვიუზე

გიგა ბოკერია აკრიტიკებს ტელეკომპანია „იმედზე“ ბიძინა ივანიშვილის ინტერვიუს ნიკა ლალიაშვილთან და ამბობს, რომ მას მომავალში სტუდენტებს ასწავლიან ზოგიერთ ტელეარხზე არსებული „სამარცხვინო მდგომარეობის“ გასაცნობად.

„ჩვენ ახლა ხშირად ვუყურებთ ხოლმე საბჭოთა პერიოდის არქივს. ეს კომიკურიც არის და სევდიანიც, იმიტომ, რომ შავბნელი, უმძიმესი დრო იყო და დღეს გამოიყურება ეგზოტიკურად, როგორც უცხოპლანეტელები არიან, როგორც ესაუბრებიან მაშინდელი ე.წ ჟურნალისტები პარტიულ ხელმძღვანელებს“, – უთხრა გიგა ბოკერიამ „ნეტგაზეთს“.

„მე არ ვადარებ დღევანდელ ვითარებას საბჭოთა წარსულს, საბჭოთა ამბავი იყო ფაშიზმის ტოლფასი უბედურება. მაგრამ გავა წლები და ეგ ინტერვიუ და ივანიშვილის ეს გამოსვლა შევა არქივში და სტუდენტებს ასწავლიან ხოლმე, რომ ანახონ, როგორი სამარცხვინო მდგომარეობა იყო საქართველოში ზოგიერთ მედიაარხზე“, — ამბობს ის.

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია - „ნეტგაზეთის“ რეპორტიორი 2018 წლის სექტემბრიდან. მობ.: 995 555 223 568; ელ-ფოსტა: lukapertaia@gmail.com