ნეტგაზეთი | კალაძე მერიის მიერ შეკვეთილი ნაძვისხის და განათებების სანახავად იტალიაში იმყოფება კალაძე მერიის მიერ შეკვეთილი ნაძვისხის და განათებების სანახავად იტალიაში იმყოფება – Netgazeti

კალაძე მერიის მიერ შეკვეთილი ნაძვისხის და განათებების სანახავად იტალიაში იმყოფება

დედაქლაქის მერიის ინფორმაციით, თბილისის მერი კახა კალაძე იტალიის ქალაქ რეჯიო ემილიაში სამუშაო ვიზიტით იმყოფება. მერიაში ამბობენ, რომ ვიზიტის მიზანი არის მერიის მეირ შეკვეთილი ნაძვისხისა და განათებების დამზადების ბოლო ეტაპის გაცნობა:

“კახა კალაძე აღნიშნულ ქალაქში მდებარე კომპანია IDO SRL-ის მიერ თბილისისთვის განკუთვნილი საახალწლო ილუმინაციებისა და ნაძვისხის დამზადების ბოლო ეტაპს გაეცნობა. კომპანია IDO SRL-მა „თბილსერვის ჯგუფის“ მიერ გამოცხადებული ტენდერები მოიგო, რომელთა ფარგლებში საახალწლოდ განათდება წმინდა გიორგის მონუმენტი, რუსთაველის გამზირი და ორბელიანის მოედანი, ასევე დაიდგმება ქალაქის მთავარი ნაძვისხე” ,- აცხადებენ თბილისის მერიაში.

თბილისის მერია საახალწლო ნაძვისხის შესაძენად 995 800 ლარს გადაიხდის. ელექტრონული ტენდერში იტალიურმა კომპანიამ Idolight-მა გაიმარჯვა.

დოკუმენტაციის მიხედვით, ნაძვისხის სიმაღლე 25 მეტრი იქნება და 33 000 ცალი ნაძვისხის მწვანე ტოტითა და LED განათებებით იქნება გაფორმებული.

ამავე თემაზე წაიკითხეთ:

თბილისის მერია ნაძვის ხესა და განათებებში 2.7 მილიონს დახარჯავს

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ბოგვერაძე არის "ნეტგაზეთის" რეპორტიორი 2016 წლიდან.