მაქარაშვილის და 5 დაკავებულის საქმის განხილვა 2 საათით გადაიდო

თბილისის საქალაქო სასამართლოში 18 ნოემბერის აქციის დაშლისას 6 დაკავებული პირის საქმე 2 საათით გადაიდო. ის 17:00 საათზე გაგრძელდება.

დაკავებულებს შორის არიან გიგა მაქარაშვილი, ირაკლი კაჭარავა, პაატა სოსანაშვილი, დიმიტრი ბიძინაშვილი, ირაკლი ნადირაძე და დავით მჟავანაძე.

მოსამართლე ვალერიან ფილიშვილს დაცვის მხარემ სხდომის სხვა დღისთვის გადადების შუამდგომლობით მიმართა. ადვოკატები განმარტავდნენ, რომ  მტკიცებულებების გაცნობის დრო არ ჰქონდათ.

რაც შეეხება პოლიციის მხარეს, მათი თქმით, ისინ მზად იყვნენ რამდენიმესაათიანი შესვენებისთვის.

შსს-ს თანახმად, დაკავებულია 37 ადამიანი. მათ ადმინისტრაციულად ედავებიან ორი მუხლის დარღვევას – პოლიციის მოთხოვნისთვის დაუმორჩილებლობასა და წვრილმან ხულიგნობას.

ნეტგაზეთის მასალების სხვა გამოცემებში გადაბეჭდვის წესი
ავტორი
დათო ქოქოშვილი არის ნეტგაზეთის რედაქტორი 2018 წლის 1 თებერვლიდან. მანამდე ის იყო ნეტგაზეთის რეპორტიორი 2013 წლიდან. Email: davit.qoqoshvili@gmail.com