აქციის დაშლისას დაკავებული ზურა ჯაფარიძე გაათავისუფლეს

“გირჩის” ლიდერი ზურა ჯაფარიძე, რომელიც დღეს აქციის დაშლისას დააკავეს, პოლიციამ გაათავისუფლა. ინფორმაცია ამის შესახებ პარლამენტის წინ აქციაზე გაავრცელეს.

ზურაბ ჯაფარიძე, ზუკა ბერძენიშვილი, გიგა მაქარაშვილი და სხვები (ჯამში, 18-ზე მეტი პირი), დღეს აქციის დაშლისას პარლამენტის მიმდებარედ დააკავეს. აღნიშნული პირები სამართალდამცველების მიერ საქართველოს ადმინისტრაციულ სამართალდარღვევათა კოდექსის 173-ე (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) და 166-ე (ხულიგნობა) მუხლებით გათვალისწინებული სამართალდარღვევისთვის არიან დაკავებული.

ჯანდაცვის სამინისტროს ინფორმაციით, დაშლის შემდეგ სამი პირი გადაიყვანეს კლინიკებში, მათგან ერთი პოლიციელია.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან