“საუბარი როცა გვაქვს ბელორუსზე, საუბარი გვაქვს ისეთ სახელმწიფოზე, უფრო მნიშნელოვნად კიდევ ისეთ ლიდერზე, რომელმაც არაერთ სერიოზულ დიალოგს ჩაუყარა საფუძველი მინსკში და მინსკი გახდა ის ადგილი, სადაც შესაძლებელი ხდება ძალიან მნიშნელოვან საკითხებზე საუბარი. იმ კონტექსტში ვსაუბრობ, რომ ეს არის ადამიანი, რომელსაც აქვს ძალიან მნიშნელოვანი კონტაქტები, ძალიან საინტერესო ხედვები და ეს ხედვები ეფუძნება პირველ რიგში საქართველოს სუვერენიტეტს, მის ტერიტორიულ მთლიანობას და მის თავისუფალ არჩევანს”, – განაცხადა პრეზიდენტმა. 

გიორგი მარგველაშვილის თქმით, საქართველოში სტუმრობისას ალექსანდრ ლუკაშენკოს მიერ საქართველოს ტერიტორიულ მთლიანობაზე ხაზგასმა მნიშვნელოვანი გზავნილი იქნება იმ პოლიტიკური ძალებისთვის, რომლებიც ამ კუთხით ორჭოფობენ.