სამინისტროს ინფორმაციით, იპოთეკური სესხის დაფარვისათვის ფულადი დახმარების მაქსიმალური ოდენობა ერთ დევნილ ოჯახზე არის არაუმეტეს 20 000 ლარი.
დევნილი ოჯახებს საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრო შესაბამისი სოციალური კრიტერიუმების მიხედვით შეარჩევს.
ოჯახი უნდა აკმაყოფილებდეს შემდეგ კრიტერიუმებს, ანუ იპოთეკური სესხის დაფარვის თაობაზე მიღებულ განაცხადს თან უნდა ერთვოდეს:
ა) კანონმდებლობით დადგენილი წესით გაფორმებული იპოთეკის ხელშეკრულება;
ბ) იპოთეკის ხელშეკრულებიდან გამომდინარე შესაბამისი საფინანსო დაწესებულებიდან უფლებამოსილი პირის დამოწმებით გაცემული ამონაწერი გადახდილი და გადასახდელი თანხის ოდენობის თაობაზე;
გ) სსიპ „საჯარო რეესტრის ეროვნული სააგენტოს“ ამონაწერი ხელშეკრულებით გათვალისწინებული უძრავი ქონების განმცხადებლის საკუთრებაში რეგისტრაციის თაობაზე, რომელშიც ასახული უნდა იყოს იპოთეკის ხელშეკრულებით გათვალისწინებული იპოთეკის ვალდებულება.
დაინტერესებულმა პირებმა განაცხადება უნდა წარადგინონ შემდეგ მისამართებზე:
თბილისი, ვაჟა-ფშაველას ქ. N16
ზუგდიდი, რუსთაველის ქ. N87
ქუთაისი, ირაკლი აბაშიძის გამზ. N27
რუსთავი, ვახუშტის ქ. N8
გორი, შმაგის ქ. N1