მუსიკოსები მსმენელისათვის ერევნის მთავარ მოედანზე უფასოდ დაუკრავენ. ეს ბენდის პირველი ერთობლივი შოუა სომხეთში, იმის მიუხედავად, რომ ჯგუფის წევრები წარმოშობით სომხეთიდან არიან. 

System of a Down 1994 წელს კალიფორნიაში, აშშ-ში, შავო ოდაჯიანმა, სერჟ ტანკიანმა, ჯონ დოლმანიანმა და დარონ მალაქიანმა ჩამოაყალიბეს. მათი 5 სტუდიური ალბომიდან 3 Billboard 200-ის სათავეში მოექცა; სიმღერა B.Y.O.B. კი გრემის ჯილდოს მფლობელი გახდა. ბენდს მსოფლიოს მასშტაბით 40 მილიონი ჩანაწერი აქვს გაყიდული.