თბილისის საქალაქო სასამართლომ არ დააკმაყოფილა ნიკა მელიას შუამდგომლობა ელექტრონული სამაჯურის მოხსნის, ანუ აღკვეთის ღონისძიების შეფარდების თაობაზე.
გადაწყვეტილების გამოცხადებამდე მოსამართლე გიორგი კარატიშვილმა ნიკა მელიასთან რამდენიმეწუთიანი კამათის შემდეგ ის დარბაზიდან გააძევა.
გენერალურმა პროკურატურამ ნიკა მელიას ბრალი წაუყენა 20 ივნისის აქციის მიმდინარეობისას ჯგუფური ძალადობის ხელმძღვანელობისა და მასში მონაწილეობისთვის. ბრალის დამტკიცების შემთხვევაში მელიას 6-დან 9 წლამდე პატიმრობა ემუქრება. სასამართლომ მელიას აღკვეთის სახით 30 000 ლარის ოდენობის გირაო და შინაპატიმრობა შეუფარდა.
