სამინისტროს ინფორმაციით, „წითელ ნუსხაში“ შემავალი სახეობის უკანონოდ მოპოვებული ბზის ნერგებით დატვირთული ავტომანქანა ზუგდიდიდან ხობის მიმართულებით გადაადგილდებოდა. გარემოსთვის მიყენებული ზიანი 139 000 ლარს აღწევს.
აღნიშნული ფაქტი შეიცავს სისხლის სამართლის დანაშაულის ნიშნებს. სამინისტროს ინფორმაციით, მასალები შემდგომი რეაგირებისთვის საოლქო პროკურატურაში გადაიგზავნება.
