კახიძის თქმით, იუსტიციის მინისტრმა ვანო მერაბიშვილის საქმეზე სტრასბურგის სასამართლოს გადაწყვეტილება დიდ პალატაში გაასაჩივრა, მაგრამ იქაც დამარცხდა.

“ამ საქმეზე მოახერხე და კიდევ ორი ტყუილი თქვი ერთ წინადადებაში: 1. “ვანო პოლიტიკური პატიმარი არ არისო, მისი პოლიტიკური სცენიდან გაყვანის მიზანი საერთოდ არ ჰქონია ხელისუფლებასო” – ეს სასამართლოს არ უთქვამს, მატყუარავ. აღნიშნული არც დაადასტურა და არც უარყო, ხოლო მე-18 მუხლის დარღვევა ციხიდან გაყვანის და ზეწოლის ფაქტით დაადგინა; 2. პატიმრობა კანონიერი იყოო, – არც ეგ უთქვამს, სექტემბრის წინასასამართლო სხდომიდან მოყოლებული, ეგეც უკანონო გამოგიცხადა, ამიტომ წააგე კონვენციის 5.3 მუხლი, ცრუპენტელავ”,  – წერს კახიძე.

 

დეპუტატის ინფორმაციით, ევროსაბჭოს მინისტრთა კომიტეტის მოთხოვნის შესაბამისად, შემდეგ ხელისუფლებას აუცილებლად მოუწევს მერაბიშვილის ციხიდან გაყვანის გამოძიება, რასაც დაემატება ხელისუფლების მხრიდან  საქმის ჩაფარცხვა, ვიდეო-მტკიცებულებების განადგურება, ცრუ ჩვენებების აღება და ა.შ.

“მოკლედ, დიდი ორომტრიალი იქნება და აქედანვე მოემზადე. იურისტები დაგჭირდება, ოღონდ შენნაირი თვითმარქვია თაღლითები არა, ნამდვილი იურისტები. არა მგონია, გიშველონ, მაგრამ მაინც”, – წერს კახიძე.

ამ თემაზე:

მოემზადე, ლუზერო! – წულუკიანი კახიძეს