ყურადღებით იქნება ეს ფაქტი შესწავლილი- თალაკვაძე ოცნების დეპუტატის მიმართ ბრალდებებზე

პარლამენტის თავმჯდომარე არჩილ თალაკვაძემ უპასუხა ჟურნალისტების კითხვებს ოცნების საკრებულოს წევრის მიმართ დაწყებულ გამოძიებაზე, რომელიც ეხება სექსუალურ ძალადობის მცდელობას და ფიზიკურ ძალადობას და განაცხადა, რომ რადგან საქმე ეხება მათი გუნდის წევრს, განსაკუთრებული ყურადღებით იქნება ეს ფაქტი შესწავლილი. 

საუბარია ილია ჯიშკარიანზე, რომლის მიმართაც გამოძიება უკვე დაიწყო.  მას გაუპატიურების მცდელობასა და ფიზიკურ ძალადობაში სდებს ბრალს მისი თანამშრომელი, რომელმაც ამის შესახებ საჯაროდ ისაუბრა 4 ოქტომბერს ტელეკომპანია “მთავარის” ეთერში. 

„სახელმწიფო გააკეთებს ყველაფერს, რომ მოკლე დროში დადგინდეს სიმართლე, თუ რა მოხდა ამ შემთხვევაში, მეორეს მხრივ, მე მინდა გითხრათ, რომ ვინაიდან ეს ეხება ჩვენი გუნდის წევრს და სახელისუფლებო გუნდის წევრს, განსაკუთრებით ყურადღებით იქნება ეს ფაქტი შესწავლილი“. 

როგორც დეპუტატის თანამშრომელი “მთავარის” ეთერში ყვება, ილია ჯიშკარიანმა ნასვამ მდგომარეობაში მასთან სესქუალური კავშირის დამყარება სცადა მას შემდეგ კი, რაც ქალმა წინააღმდეგობა გაუწია, დეპუტატი ფიზიკურად გაუსწორდა:

“სექსუალურად შეეცადა ჩემზე ძალადობას. როცა შევეცადე გავქცოდი ამ ყველაფერს, ფიზიკურად შემეხო და ფიზიკურად იძალადა. ალკოჰოლური თრობის ქვეშ, ალბათ, გადწყვიტა ჩემთან დაემყარებინა აქტი.  ჩამეხუტა, კისერში რომ გიწყებს კოცნას და ფეხებს შუა შეგიყოფს ხელს… აფექტის მდგომარეობაში ვიყავი, ტელეფონი დავინახე და ვუთხარი, ბატონო ილია, ყველაფერს ვიღებ და გავასაჯაროებ-მეთქი”. 

დეპუტატს გაუპატიურების მცდელობაში ადანაშაულებენ

ნეტგაზეთის მასალების სხვა გამოცემებში გადაბეჭდვის წესი
ავტორი