განათლების, სპორტისა და ახალგაზრდობის საქმეთა საქალაქო სამსახურის ცნობით, მსოფლიო თასის სუპერ-ტურნირი კიკბოქსინგში K-1 წესებით მსოფლიოს A-1WCC ორგანიზაციის ეგიდით ტარდება.
ქართულ მედიასაშუალებებთან ერთად, ტურნირს აშუქებს საერთაშორისო ტელეარხი „ევროსპორტი“. თბილისის მერიის ინფორმაციით, ევროპული სპორტული ტელეკომპანია 40-წუთიან რეპორტაჟს მიუძღვნის საქართველოს დედაქალაქში გამართულ ჩემპიონატს.
„მსოფლიო თასის გათამაშებას“ უცხოეთიდან ჩამოსული ხუთასამდე სტუმარი, ჟურნალისტები, სპორტული სააგენტოების წარმომადგენლები და გულშემატკივრები დაესწრებიან.
ტურნირი თბილისის ცირკში, 21 მარტს, 18:00 საათზე ჩატარდება. ბილეთების შეძენა შესაძლებელია ცირკის სალაროსა და biletebi.ge-ზე.
ღონისძიება თბილისის მერიის განათლების, სპორტისა და ახალგაზრდულ საქმეთა საქალაქო სამსახურის მხარდაჭერით იმართება, რომელსაც „საქართველოს საბრძოლო ხელოვნებათა კონფედერაცია“ უწევს ორგანიზებას.