უმეტესობა მხარს უჭერს ეკონომიკაში მთავრობის ნაწილობრივ ჩართულობას და გარკვეულ რეგულაციებს – NDI

ეროვნულ- დემოკრატიული ინსტიტუტისა (NDI) და CRRC-საქართველოს მიერ 17 სექტემბერს გამოქვეყნებული კვლევით, 35% ეთანხმება მოსაზრებას, რომ მთავრობა ნაწილობრივ ჩართული უნდა იყოს ეკონომიკაში და გარკვეული რეგულაციები დააწესოს.

23 პროცენტი ფიქრობს, რომ მთავრობა ჩართული არ უნდა იყოს ბიზნესის რეგულირებასა და ეკონომიკაში. 22% აცხადებს, რომ  მთავრობამ უნდა გააკონტროლოს ეკონომიკის ბევრი ასპექტი და მართოს გარკვეული საწარმოები. 6%-ის აზრით, მთავრობას ეკონომიკაზე სრული კონტროლი უნდა ჰქონდეს და კერძო სექტორი არ უნდა არსებობდეს.

ავტორების განცხადებით, კვლევის საველე სამუშაოები ჩატარდა 13-29 ივლისის პერიოდში, საქართველოს მასშტაბით (აფხაზეთისა და სამხრეთ ოსეთის გამოკლებით), 2,131 პირისპირ ინტერვიუს წარმომადგელობითი შერჩევის საფუძველზე. ცდომილების ზღვარი 1.7%-ია.

ნეტგაზეთის მასალების სხვა გამოცემებში გადაბეჭდვის წესი
ავტორი
დათო ქოქოშვილი არის ნეტგაზეთის რედაქტორი 2018 წლის 1 თებერვლიდან. მანამდე ის იყო ნეტგაზეთის რეპორტიორი 2013 წლიდან. Email: davit.qoqoshvili@gmail.com