ზაზა ფაჩულია “გოლდენ სტეიტ უორიორსში” დაბრუნდა, თუმცა- არა მოთამაშედ. შესაბამის ინფორმაციას თავად საკალათბურთო კლუბი ავრცელებს.
კლუბის ცნობით, ფაჩულია კონსულტანტის პოზიციას დაიკავებს. როგორც სპორტული ბლოგი SBNATION წერს, აღნიშნულ პოზიციაზე დათანხმება ფაქტობრივად ნიშნავს, რომ ფაჩულია მოთამაშის 16-წლიან კარიერას ასრულებს. თავად ზაზა ფაჩულიას ამის შესახებ ოფიციალურად ჯერ არაფერი უთქვამს.
“გოლდენ სტეიტთან” ერთად, სადაც ის 3 წლის მანძილზე თამაშობდა, ზაზა ფაჩულიამ ორჯერ – 2017 და 2018 წლებში აღნიშნა NBA-ს ჩემპიონობა. კალათბურთელი NBA-ში არაერთი გუნდის ღირსებას იცავდა. მათ შორის არის ორლანდო, დალასი და დეტროიტი.
