შინაგან საქმეთა სამინისტროს ინფორმაციით, თბილისში, პეკინის გამზირზე მცირეწლოვანი ბავშვი ბასრი საგნით დაჭრეს. უწყებაში აცხადებენ, რომ ბავშვი კლინიკაშია გადაყვანილი და მის ჯანმრთელობას საფრთხე არ ემუქრება.
შსს-მ მომხდარზე გამოძიება სისხლის სამართლის კოდექსის 117-ე მუხლის მე-5 ნაწილით დაიწყო, რაც ჯანმრთელობის განზრახ მძიმე დაზიანებას გულისხმობს. შემთხვევა დღეს, 27 აგვისტოს მოხდა.
