ზესტაფონის რაიონულმა სასამართლომ შვილის განზრახ მკვლელობის მცდელობაში ბრალდებული პირი დამნაშავედ ცნო და 10 წლით პატიმრობა მიუსაჯა.
როგორც პროკურატურაში აცხადებენ, 2018 წლის 12 სექტემბერს, ზესტაფონის რაიონის სოფელ ფუთში, ალკოჰოლური თრობის ქვეშ მყოფმა რ.ს.-მ ურთიერთშელაპარაკებისას შვილს მ.ს.-ს, დანით გულმკერდის არეში ორი ჭრილობა მიაყენა. სამედიცინო დახმარების გაწევის შედეგად მ.ს. -ს გადარჩენა მოხერხდა.
უწყებაში ამბობენ, რომ სამართალდამცველებმა რ.ს. შემთხვევის ადგილზე დააკავეს. მსჯავრდებულს ბრალი სისხლის სამართლის კოდექსის 111, 19,108-ე მუხლით (ოჯახის წევრის განზრახ მკვლელობის მცდელობა) ჰქონდა წაყენებული.
