დღეს, 14 აგვისტოს, კასპის მუნიციპალიტეტის სოფელ რენესთან მომხდარ ავტოსაგზაო შემთხვევას სამი ადამიანი ემსხვერპლა.
შემთხვევა დილის საათებში მოხდა. მძღოლი გზის სავალი ნაწილიდან გადავიდა და ბორდიურს შეეჯახა.
საინფორმაციო ცენტრ Qartli.ge-ს ინფორმაციით, დაღუპულნი არიან დედა-შვილი – 55 წლის ქალი და 30 წლის კაცი – ასევე, მათთან ერთად მყოფი 31 წლის სამხედრო მოსამსახურე. სააგენტოს თანახმად, სამივე მათგანი სოფელ ბრილიდან თბილისისკენ ტაქსით მიდიოდა. ავტომანქანის მძღოლი დაშავებულია.
როგორც შინაგან საქმეთა სამინისტროში “ნეტგაზეთს” განუცხადეს, გამოძიება სსკ-ის276-ე მუხლის მე-8 ნაწილით მიმდინარეობს. აღნიშნული გულისხმობს სატრანსპორტო საშუალების ექსპლუატაციის წესის დარღვევას, რამაც ორი ან მეტი ადამიანის სიცოცხლის მოსპობა გამოიწვია.